I går var det 80-talet som var tema. Eirik song Bon Jovi-låten Livin' on a Prayer. (Foto/skjermskot: TV2)

Ei god helg for Eirik Søfteland

Først fekk Sipher terningkast 5 i BT for singelen Atlas, så var det ståande applaus på TV2.

Av: Kjetil Vasby Bruarøy

Eirik Strønen Søfteland sitt band, som med bandet no rettar seg til publikum med namnet Sipher, ga i starten på mars ut singelen «Atlas».

«Atlas er en smart og mektig låt, spekket med deilig svulstige melodilinjer, kløktige brudd og majestetisk oppbygging» skriv Petter Lønningen i BT.

Det er tydeleg at han har sans for både stilen og gjennomføring til Søfteland med band.

«Sipher er progrock av den bredbeinte sorten: dette er et band som forsøker å låte større enn livet selv – og som lykkes langt på vei.»

Framleis favoritt på TV2

Laurdag kveld var Eirik på scenen i tredje episode av «Århundrets stemme».

80-talet var tema og Eirik framførte Bon Jovi-låten «Livin' on a prayer».

Sjå framføringa på TV2.no

Osingen er ikkje berre vidare, han har ifølgje TV2 vore favoritt i runde etter runde.

I går var det Guri Schanke som rauk ut.

Eirik har lovd å visa mjukare sider av seg sjølv seinare i programmet.

– Vi skal visa musikk frå heile århundret. Eg kan ikkje koma skrikande inn på scenen når vi skal synga låtar frå 30-talet, seier Søfteland til TV2.

Neste laurdag er det 50-talet som skal hyllast.

Fleire saker