Ei hyllest til irsk folkemusikk

– Dette er ikkje berre ein konsert, det er historia til The Dubliners fortald av showets karismatiske hovudvokalist og kreative regissør, Ged Graham.

Eit spesialdesigna scenesett tar publikum inn i Dublin sine gater og O’Donoghue’s Pub, der The Dubliners imponerande lange historie starta.

– Showet skaper ei autentisk stemning, det blir ein kveld full av humor, musikk og «craic» (irsk for spøk og morosam småprat), skriv managementet i ei pressemelding.

Irlands lengslevande

The Story of the Dubliners fortel om ei karriere som strekk seg over 50 år (1962-2012) for Ronnie Drew, Luke Kelly, Barney McKenna, Jim McCann, Ciaran Bourke og John Sheahan.

The Dubliners blei starta i 1962, og la opp dåsiste originalmedlem av bandet, Barney McKenna, døydde i 2012. 50 år på scenen gjer The Dubliners til Irlands lengslevande band, og dei har påverka ei rekkje irske band, som The Pogues, som dei òg har samarbeidd med i periodar.

Dei er kjent for låtar som The Wild Rover, The Black Velvet Band, The Irish Rover, Molly Malone, Finnegan’s Wake, McAlpine’s Fusiliers og - sjølvsagt - The Seven Drunken Nights.

Bandet Seven Drunken Nights består av Ged Graham, Danny Muldoon, Billy Barton, Paddy Ryan, Nicholas Goode og Max Grey. Dei talentfulle musikarane bringer nytt liv til Dubliners sin ikoniske musikk.

Den to timar lange konserten blir spelt i Oseana torsdag. I skrivande stund er det selt rundt 200 billettar.