– Ei naturoppleving

I 2012 fann Mona Mørk, lærar på skulen på den vesle øya med 65 fastbuande ut at ho ville arrangera maratonløp. Med heile bygdesamfunnet med som arrangørar og heiagjeng. Ei løype på 4,2 kilometer blei rydda, mellom hus, ned på bryggjer, over beitemark. Arrangementet blei ein sukess.

Laurdag gjekk "Verdas minste maraton" igjen av staben, denne gongen med osingen Niklas Gjerstad Hodneland på startstreken blant dei litt over 100 påmelde deltakarane.

– Løpet var litt av ei naturoppleving i seg sjølv.

– Då vi starta var det storm med store nedbørsmengder og lyn og torden, fortel Hodneland.

Eit opplevelsesmaraton

Med 10 runder blei kontakten med publikum tett.

– Samtlege som bur på øya stilte opp.

– Uansett kor du løp sto det folk med norske flagg og sauebjøller og heia.

– Møgster maraton er rett og slett ei oppleving, smiler Hodneland.

Letta etter kvart

Med start i storm og torden blei det ein blaut og guffen start på det 42,2 kilometer lange løpet.

– Nedbøren prega løypa, spesielt der vi sprang på gras.

– Etter dei første rundene forsvann det verste vêret og dei siste to rundene sprang eg i strålande sol og varmt.

– Heilt fantastiske tilhøve å springe i med trøtte bein, fortel Hodneland.

Persa med 18 minutt

Den offisielle resultatlista er i skrivande stund ikkje publisert, men Hodneland klokka seg inn på 4.27.09 i følgje si eiga klokke.

– Det er eg strålande nøgd med.

– Det er ei forbedring av den personlege rekorden min på maraton med 18 minutt, avsluttar Hodneland.