– Ei vitamin-innsprøyting

Etter vel 50 år med planlegging og venting på å få bygga ny veg mellom Os og Bergen er gleda stor også hjå Statens Vegvesen når regjeringa no har sendt saka vidare til Stortinget.

– Dette er ei vitamininnsprøyting for prosjektorganisasjonen.

– Du veit vi har gått og venta vi òg, sjølv om vi ikkje berre har sete og drukke kaffi slik som Gustav Bahus fleipa om i stad.

– Dette er ein stor dag også for oss i Statens Vegvesen, seier prosjektleiar Arne Eltvik.

2021 er realistisk

Ordførar Terje Søviknes (Frp) freistar å utfordra vegvesenet på å bli ferdig eitt år før, men til det heller prosjektleiaren kaldt vatn i blodet på ordføraren.

– 2021 er det realistiske målet.

– Det skal holde hardt å bli ferdig før.

– Rett nok vil nok einskilde strekningar i Rådalen-området kunne bli opna før. Det har med trafikkavviklinga å gjera.

Ventar på Stortinget

Før Eltvik og hans folk kan gje skikkeleg gass, må Stortinget først fatta sitt vedtak.

– Så fort dei fattar sitt vedtak sett vi i gang.

– Anboda vil bli lyst ut i vinter, kontrakt reknar eg med vi kan skriva før sommaren, så då startar vi det fysiske arbeidet tidleg neste haust.

– Os kommune har jo freista å forskuttera anleggsvegen, slik at de kan komma fortare i gang. Vil det skje?

– Nei, det blir ikkje oppstart på den no. No kjem alt som eit sammanhengane prosjekt frå neste haust, med ferdigstillelse i 2021, avsluttar Arne Eltvik i Statens Vegvesen.

Røynd leiar

Arne Eltvik har lang erfaring frå vegbygging i Hordaland, og har mellom anna stått for tunnelen (eller lokket) på E39 på Fjøsanger, som blei teken i bruk for kring 10 år sidan. Han leiar no prosjektgruppa med 12 kolleger som har førebudd mellomanna konkurransegrunnlag og prosjektering for E39 Svegatjørn – Rådal. Det blir ytterlegare bemanning av prosjektmedarbeidarar i tida fram mot byggestart.