Eidsvåg til Oseana
Bjørn Eidsvåg kjem til Os for å halda konsert i Oseana.
Arrangementssjef Berit Steen held fram med å fylla opp haustprogrammet i Oseana. No har ho fått konsert med Bjørn Eidsvåg inn på timeplanen.
– Vi har hatt han på ønskjelista lenge, dialogen starta i vinter, fortel Berit Steen.
Bjørn Eidsvåg med band skal spela i Oseanasalen fredag 9. desember, billettsalet startar i morgon, fredag 8. juli.
Kobbeltvedt kjem
– Det starta vel med at vi var på omvising i bygget med lag og organisasjonar i vinter, og Norvald Kobbeltvedt sa «får de Bjørn Eidsvåg til å spela her, då kjem eg».
– Så vi har no selt minst éin billett, ler Berit.
Haustprogrammet nesten spikra
Eidsvåg har gjeve ut 24 album sidan 1976 og vunne Spellemannsprisen fire gongar.
Ferskaste album, Rundt Neste Sving (2010), som blant anna inneheldt singelen Nede for telling, låg på 1. plass på VG-lista og blei mestseljande album i Noreg i fjor.
– Marit Voldsæter, Ole Ivars, Nordic Tenors - og no, Bjørn Eidsvåg. Kor mange artistar av dette kaliberet er det marknad for på éin haust i Oseana?
– Eg vil tru eitt arrangement i månaden, programmet for hausten er vi så å seia i mål med no. Vi har prioritert variasjon, frå klassisk og pop til humor og danseband. I tillegg har vi nokre fine for ungar og familiar.
– Responsen til no har vore god, blant anna har vi allereie selt bra på Nordic Tenors, i morgon legg vi ut billettar til Ole Ivars og Bjørn Eidsvåg, seier Steen.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.