Lokal | 12. jan. 2021

Éin bil velta - ein annan sto fast på sommardekk

Politiet tok beslag i førarkort då fleire ting var gale med bilen.

Éin bil velta - ein annan sto fast på sommardekk
Det har vore vanskeleg føre i Os dei siste dagane. Sånn såg vegane i Os ut søndag morgon. (Ill. foto: KVB)
Kjetil Vasby Bruarøy
Kjetil Vasby Bruarøytysdag 12. jan. 2021 08:36

Måndag kveld fekk politiet melding om ein bil som låg på sida i ei grøft i Langedalen.

– Første melding kom klokka 18.27. Patruljen var på staden noko seinare, men det var ingen personskade og det blir ikkje oppretta sak, fortel politioverbetjent Atle Birkeland.

Køyrde bil med bruksforbod og sommardekk

Klokka 18.21 var politiet ute på eit anna oppdrag. Dei fekk melding om ein bil med sommardekk som sto fast på ein sideveg mellom Lekven og Grindavoll.

– I tillegg til at det er uforsvarleg å køyra med sommardekk på føret vi har no, var det bruksforbod på bilen grunna manglande EU-godkjenning. Bilførar, ein mann i 20-åra, blei meldt, og det blei tatt beslag i førarkortet hans.

Stoppa ikkje for kontroll - hadde ikkje lappen

Tysdag morgon prøvde politiet å stoppa ein bil på Hatvikvegen.

– Dei følgde bilen eit stykke, og den stoppa etterkvart. Bilførar er meldt for ikkje å stoppa for kontroll.

Vedkomande, ein mann i 50-åra, hadde heller ikkje førarkort, noko han i tillegg blir meldt for.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.