– Ein fin måte å samla Os på

Bildeserie:

1 av 7

– Dette var ein kjekk måte å samla Os på! seier Toril Søvik.

Ho var blant dei rundt 800 som hadde skaffa seg billett til bryggedansen som, grunna utselte billettar, blei supplert med MS Midthordland liggande til kai som eit utvida del av brygga.

– Vi koser oss veldig, seier Toril, som var på fest saman med Tom Søvik, Katrine Wergeland og Even Sævareid.

– Har det godt i hjartet i dag

– Takka vera sånne som desse går det an å stella i stand ein slik fest, sa ein oppstemt ordførar Terje Søviknes og la armane rundt fire kvinnelege frivillige vaktar frå Osfest-systemet.

Han fortel at prosessen har vore kjempespennande.

– Det er ikkje akkurat sånne ting eg og Tor Inge Døsen driv med til dagen, å få ein sånn respons frå osingane når vi lager fest er heilt fantastisk.

– Eg har det godt i hjartet i kveld. Eg håper og trur at dette kan bli ein tradisjon.

ORBO med band og Gina Aspenes og Leif Østrem som gjestevokalistar sto for den musikalske stemninga.

Sjå video av fyrverkeriet i Os hamn under bryggedansen.