Ein Fish frå VM-medalje

VM enkeltdistansar er i gang i Utah Olympic Oval i Salt Lake City. Klokka 21.40 norsk tid starta 5000-meteren, og den regjerande verdsmeisteren frå Os gjekk i 5. av 10 par mot Jorrit Bergsma.

Lunde Pedersen slo Bergsma og gjekk i mål på 6:11.803 til ein foreløpig 2. plass bak Sven Kramer, som til slutt landa på 2. plass med tida 6:04.918.

I 8. par kom Ted-Jan Bloemen inn på 6.04,375 og tok gullet, i 9. par kom canadiske Graeme Fish i mål på 6.06,328, som er personleg bestenotering.

Sverre var nær medalje, men over 7 sekund bak gullet og 4 sekund bak si eiga vinnartid frå Inzell i fjor (6.07,16).

– Eg har ikkje det same giret som i fjor, det var ikkje godt nok for medalje dette, seier Sverre Lunde Pedersen til Viasat.

Håvard Bøkko tok 18. plass med tida 6.26,389.

Laurdag er det lagtempo, søndag går Sverre 1500 meter på «The Fastest Ice on Earth». Han sette personleg rekord på 1500 meter i Salt Lake City i 2015. Rekorden på 1.43,08 står framleis.