Dei tre eigarane i Bjørnafjorden Hotel AS, Iselin Borge, Vibeke Borgen og Anne Siri Vivås. (Foto: ØH)
Dei tre eigarane i Bjørnafjorden Hotel AS, Iselin Borge, Vibeke Borgen og Anne Siri Vivås. (Foto: ØH)

Ein god haust og vår i vente

Bjørnafjorden Hotel åpnar opp att den 1. august og ser positivt på drifta framover.

Ørjan Håland
14. juli 2020 - 14:20

Bjørnafjorden Hotel AS hadde denne våren og hausten utsikt til å ha den beste sesongen nokonsinne. Med korona-nedstenging og stadige endringar i retningslinjer, har utsikten til vidare drift derimot vore usikker. No ser det endeleg ut som at drifta skal vera sikra grunna gode bookingar både til hausten og til våren neste år.

– Det har vore ei tøff tid kor ein har måtta sett ekstra nøye på om det er liv laga for å drifta vidare. Vi har funne ut at det skal vi klara og no har vi kunna brukt tida godt på å forberede oss til vidare drift, påpeiker bookingansvarleg Iselin Borge.

– Det vil bli ein travel haust der vi per no kun har ledig kapasitet i to helgar. Vi har valt å halda stengt fram til 1. august grunna tilpasning til vår eiga drift, for oss er det vår og haust som er dei beste periodane på driftsida, seier Borge.

God på service og arrangement

Bjørnafjorden Hotel har i den nedstengte perioden jobba godt med både bookingar, men også identitetsbygging.

– Vi har brukt tida ekstra godt til å gå gjennom rutinar og på kva som skal gjera Bjørnafjorden Hotel til ein god plass å vera.

– For oss skal kundane ha ein positiv opplevelse frå dei entrar dørstokken. Vi skal vera god på den lokale biten når det gjeld opplevingar og til dømes mat. I tillegg skal kundane føla at dei får gjort det dei skal, om det handlar om festlegheiter eller jobb, seier Borge.

Dei tre eigarane i Bjørnafjorden Hotel AS, Iselin Borge, Vibeke Borgen og Anne Siri Vivås. (Foto: ØH)
Dei tre eigarane i Bjørnafjorden Hotel AS, Anne Siri Vivås, Vibeke Borgen og Iselin Borge. (Foto: ØH)

Den typiske kunden

Turistar har ikkje vore den typiske gjesten hos Bjørnafjorden Hotell, men lokale bedriftar, institusjonar og festlege lag er derimot godt representert.

– Lokale bedriftar og institusjonar frå Bergen og omegn brukar oss mykje til kurs og konferansar. I tillegg har vi bryllup, konfirmasjonar, dåp og runde dagar som det sjølvsagt er mykje av. Den allsidigheten er viktig for oss og vi ønskjer å vera god på fag. 

– Vi har sjølvsagt turistar og individuelle reisande også som tek turen innom oss, men vi fokuserar mest på gruppar og arrangement ettersom det er det vi kan best, påpeikar Borge.

No byrjar dei siste brikkane å falle på plass i henhald til både drift og bemanning.

– Det er nokre få brikkar att på bemanningen som må på plass, men det ser veldig bra ut. Vi gler oss til å koma i gang igjen, avsluttar Borge.