Ein heilt ny Havfest

Bildeserie:

1 av 14

Måndag hadde folkeoperaen Havfest den første tekniske prøva med lys, lyd, kostymer og sminke for heile ensemblet. Midtsiden fekk lov til å vera floge på veggen.

Sjølv om det framleis trengs nokre justeringar kan vi lova at dei som finn vegen til Oseana neste helg for å få med seg den lokalproduserte folkeoperaen ikkje kjem til å bli skuffa.

Spektakulær scenografi

Musikken og tekstane er stort sett uforandra, men scenen har blitt heilt annerleis, sidan førre forestilling. Denne gongen projiserast kulissane på kvite lerret på og bak sjølve scenegulvet ved hjelp av ei rekkje projektorar.

Dette gjer at forteljinga blir ei heilt anna, om mogleg enno tydlegare og sterkare.

Har du tenkt at du såg forestillinga sist, og difor ikkje har tenkt å ta turen denne gongen, så rår vi deg til å tenkja deg om ein gong til. Vi blei rett og slett imponerte då vi såg prøvane måndag.

Blir siste gongen

Produksjonsassisten Liv Kristina Midtseter Rognsvåg fortel at det er fleire grunnar til å vera om seg og kjøpa billettar no.

– Havfest er ein så stor produksjon, både med tanke på antall menneskjer og i kostnader at det allereie er bestemt at det blir siste gong folkeoperaen blir satt opp på Os.

– Det lar seg rett og slett ikkje gjera å skulle gjenta produksjonen annankvart år, forklarar Rognsvåg.

Havfest har premiere fredag 24. mai.