Ein pinse med piggdekk

Laurdag framstår som ein roleg dag i Os, men på sjøen og ute i friluftsområdene har det vore folksamt.

Frå Ervikane kom det klage på støy.

– Vi fekk ein telefon i 1-tida frå nokon som klagde på høg musikk frå Ervikane. Det står notert som ei avstandsmelding, men er uklart om meldinga kom frå hytte eller båt.

– Vi hadde ikkje kapasitet til å prioritera dette, men det kom heller ikkje fleire klarar utover natta, seier operasjonsleiar Eivind Hellesund i Vest politidistrikt.

Utan lys - med piggdekk

Klokka 22.50 stoppa politiet ein bil nær Kuventræ.

– Den hadde feil eller mangel på både blinklys, baklys og bremselys, fortel Hellesund.

– I tillegg hadde den piggdekk på begge bakhjula.

Mangel på lys gir normalt 2.600 kroner i gebyr, køyring med piggdekk utanom sesong gir 1000 kroner per dekk. Det er uvisst om bileigar som blei stoppa i går fekk gebyr for begge delar.

Litt over klokka 01 i natt blei ein motorsykkel stoppa på Søfteland.

– Skiltet på sykkelen var vippa opp så det ikkje var synleg for trafikken bak. Førar sa han nett hadde kjøpt sykkelen, og at det sto sånn då han fekk den. Han slapp unna med pålegg om ikkje å bruka sykkelen før det var ordna.

Sjekka skjergarden

Politibåten Kjølen, som cruisa forbi Bunnpris Vedholmen i 15.50-tida, skal ikkje ha funne noko å reagera på i Os-skjergarden.

Det var mange båtar utpå i finvêret. Bunnpris selte seg tom for bensin i 20-tida, men fekk påfyll same kveld.