Eirik er ute av dansen

Vinnar av Skal vi danse 2013, Eirik Strønen Søfteland frå Os, har hatt tøff konkurranse frå tidlegare vinnarar og finalistar i allstars-versjonen av Skal vi danse.

I går dansa han tredje runde i årets sesong.

Les ògHamna i duell: – Det var ei ubehageleg oppleving

Eirik starta gårsdagens dans med å spela slagverk på «Here I go again» av Whitesnake før han entra dansegolvet og tok ein rocke-rumba med Ewa.

Dommarane påpeikte at det å dansa rolege dansar kan vera meir vanskeleg enn høgt tempo, og meinte Eirik kunne hatt meir markerte rørsler og noko meir trøkk i trinna.

Det blei karakter 5 frå alle tre.

I duell mot Iselin

Førre helg klarte Eirik og dansepartnar Ewa Trela å vinna duell, i går hamna dei også blant dei nedste på lista, og Eirik måtte denne gong kjempa mot influensar Iselin Guttormsen om å gå vidare.

Guttormsen vann duellen.

– Eg er skuffa, men vi får ikkje gjort noko med det no. Det hadde vore fint å få gjennomføra alle dansane vi hadde planlagt å ta framover, som vi hadde gledd oss til, men no rauk den sjansen, sa Eirik til TV 2 etter exiten.

Les meir og sjå dansen på TV2.no.