Eit døgn utan vatn

Bildeserie:

1 av 3

Laurdag morgon blei teknisk vakt i Os kommune oppringt frå ein som ikkje hadde vatn.

Vassforsyninga i Midtskovegen og Laksavegen blei stengt og 115 bustadar fekk melding om at det ville bli plassert ut vassvogn i nabolaget.

– Lekkasjen blei funnen ganske raskt. Det viste seg at det var ei sprekk på halvannan meter i leidningen, fortel teknisk vakt.

Entreprenøren fekk problem og måtte skifta ein del på gravemaskina, så feilen blei ikkje reparert før natt til søndag.

I 4.30-tida natt til søndag blei vatnet skrudd på igjen. Då det var overtrykk i vassleidningen blei det heller ikkje behov for å koka vatnet eller senda ut varsel om dette.

– Det står noko arbeid igjen. Vi skal asfaltera vegen der lekkasjen var og vi må reparera delar av Laksavegen, som blei skadd av vassmengdene.