Etter å ha spelt frå ein heis bak publikum blei Sondre Justad løfta tilbake til scenen av støttande hender. (Foto: Kjetil Vasby Bruarøy)

– Eit eventyr!

Bildeserie: Sondre Justad i storform på årets første Osfest-kveld.

image
image
image
image
image
image
image
image
image
image
image
image
image
image
image
image
image
image
image
image
image
image
image
image
Av: Kjetil Vasby Bruarøy

I går starta årets Osfest, på plakaten sto:

18:15 Vivillain
19:25 Sipher
21:00 Sondre Justad
23:00 Smash Into Pieces
00:30 Stage Dolls

Festivalen samla 1200-1500 gjestar, noko færre enn kva arrangørane hadde håpa på.

– Rekorden er 3000 pluss 3000, i ei litt unøyaktig teljing då Gabrielle og Kurt Nilsen hadde kvar sin kveld i 2015. Men også rundt 2000 per kveld ser vi på som bra, seier festivalsjef Tor Egil Hylland.

– Men folk kom tidleg, og det var jamt tilsig i staden for den folkemarsjen i 21-tida som vi har sett dei siste åra. Det gjer at omsetnaden på mat og drikke er god, noko som kanskje gir ein bra sum på kvelden likevel.

Vêret var varmt, og regnet som var meldt kom i svært liten og kort dose i 22.30-tida. Hylland hadde håpa på meir publikum i solskinet, til i kveld er det meldt våtare vêr, men framleis 18-20 gradar og nesten vindstille.

– Vi har hatt det kjekt i regnet før, vi håper nedbøren ikkje hindrar osingane og dei etterkvart mange tilreisande frå nabokommunane i kveld heller. 

Laurdag ser programmet sånn ut:
Intimkonsert i VIP-området med Claus og Marius.
18:00 This Was My Life
19:30 Heine Totland´s Rock & Roll Circus
21:00 Admiral P.
22:45 Violet Road
00:30 Waterwagon 

Men først - nokre ord om fredagskvelden:

Vivillain

Bandet frå Samnanger, som spelte under Torgfesten i fjor og Baronsfesten i Os i juli, tok utfordringa  med å spela gravferdsskiftet (altså det å spela først) på strak arm.

Dei leverte ein imponerande parade med ærleg, rett-i-ansiktert-rock 'n' roll.

Vivillain er unge gutar som tydeleg veit kor rocke-skapet skal stå.

Sipher

Som Eirik Strønen Søfteland sa det; eg kjenner jo minst halvparten av dåke som står der ute - det er kjekt å spela i Os, i heimbygda mi.

– Det var kjekt å sjå at vi fekk 200-300 å spela for så tidleg på kvelden, og at fleire på grusen song med på nokre av låtane våre, seier den tidlegare Idol-finalisten som avslutta Osfest som soloartist med coverlåtar i fjor.

• Les òg: – Dette er det berre Kurt Nilsen som har klart før

Sipher spelte alle låtene frå debutplata, pluss eit par til. Ein hyllest til Os-rocken kom i form av låta «Shadow Throne», frå KingCalling, som Eirik og bassist Leif Herland tidlegare spelte i.

Trass i at Sipher er eit band som speler melodisk rock, og publikum ikkje fekk høyra og Eirik og musikarane spela hits i form av coverlåtar, hausta dei solid respons frå eit veksande Osfest-publikum.

Snudde bak fram på festivalområdet

Så kom Sondre Justad, årets truleg beste booking for Osfest-kameratane.

Etter popupkonsert me P3 Gull på Oseana tidlegare på dagen tok han grusen med storm. Men få fekk med seg at han, midt i ein gitarsolo, stakk frå scenen, inn bak publikum og opp i ein heis.

Dei siste kom i første rekke, men det var snarare politikk enn religion han predikerte; vi har mat og rom for alle her i verda, om vi deler godene betre.

Sondre blei frakta tilbake til scenen på støttande hender frå eit tett publikum. Han blei klappa inn på ekstranummer, og eit livleg publikum fekk heile tre bonuslåtar, blant anna «Ikke som de andre».

– Det var eit eventyr å sjå Sondre igjen, eg er glad han fekk så godt publikum, og imponert over kor god han er som liveartist, seier Hylland.

Blei fan på sekundet

Den korte regnbyga etter at Justad hadde gått av scenen sendte fleire inn i dei store telta som er rigga på festivalområdet.

Svenskane i Smash into Pieces klarte å lokka nokre av dei ut igjen framfor scenekanten.

Sjølv om bandet aldri har spelt i Noreg før, song folk med allereie på låt nummer to. Ein avdei nyfrelste er Håkon Grindheim Koldal.

– Eg hadde ikkje høyrd om dei før eg las programmet i dag. Så sjekka eg musikken på nett, og likte den med éin gong, og etter denne konserten er eg stor fan! sa Håkon då han stilte seg først i køen for å kjøpa merch og møta bandet.

Trønder-rock til siste slutt

Torstein Flakne gav oss Forelska i lærer'n med Thee Kids før han stifta Stage Dolls, kjent for blant anna «Love Cries» og «Love Don't Bother Me».

Stage Dolls debuterte med albumet «Soldier's Gun» i 1985, eit album dei blei nominert til Spellemannsprisen for. Seinare turnerte dei i USA, der låten «Love Cries» klatra til 46. plass på Billboard-lista og til 3. plass på AOR Radio Chart.

I går entra dei scenen klokka 00.30, køyrde «Hard to say goodbye» som låt nummer to, og heldt det gåande heilt til klokka 01.50.

– Publikum blei verande. Stemninga var fin kvelden gjennom. Vi fekk både ein god start og ein god slutt, noko som samla sett truleg har gjort fredagen vellykka, oppsummerer Hylland.

Fleire saker