– Eit godt musikkmiljø i Os

Du har kanskje høyrt Carina Blålid før, anten på jam på Bar2Be eller på scenen med Vegard Skorpen. Carina var blant anna vokalist då Vegard Skorpen med venar for nokre år sidan saman til det kortvarige dansebandprosjektet Karusell.

Carina jobbar framleis med musikk, som hobby, med andre, men mest heime frå eige studio på Søfteland.

– Eg skriv alle låtane sjølv. Musikken er laga av andre, gjerne Vegard Skorpen eller Trond Ove Wik, som eg i det siste har jobba mykje saman med, fortel Carina.

I januar la ho ut ei ny låt, "Wanna fall in love", med musikkvideo.

Sjå videoen på YouTube

Låten har ho som vanleg skrive sjølv, melodi er av Trond Ove Wik, medan Øystein Skorpen og Elin Søfteland står for foto.

– Mange flinke i godt miljø

Blålid skryter av musikkmiljøet i Os, både det publikummet kjenner godt til, og det miljøet som er meir internt mellom mindre kjente artistar i Os.

– Det er så mange som er så flinke og musikalske. Nokre av dei er med i band, andre ikkje, men det som er så kjekt er at det er så mykje kompetanse i bygda, og at mange av dei ulike musikarane hjelper og støtter kvarandre.

Vik, som blant anna speler med tributebandet Riff Raff, lager låter for Carina, der ho i etterkant står fritt til å velja tekst til og legga vokal på.

Berre hobby - eller?

Når ho har ei låt ferdig lastar Carina låta opp på YouTube. Musikkonkurransar og Urørt er ho ikkje interessert i.

– Eg vil dela musikken min med andre, men eg har ikkje så høge mål med musikken. For meg held det førebels å visa den til andre og lytta til tilbakemeldinger.

Carina seier ho har låter nok til eit heilt album, men ho går ikkje med umiddelbare planar om å gje ut noko.

– Dette er hobby for meg, med jobb og ungar blir det nok å henga fingrane i.

Fine tilbakemeldinger på YouTube og Facebook, og merksemd utanfor både kommune- og fylkesgrensene, gjer likevel at Carina har byrja å tenkja litt stort.

– Eg blir veldig smigra av mange av tilbakemeldingene, og eg har litt på gang med nokre veldig spennande folk.

Midtsiden får førebels ikkje røpa kven dette er.

– Men akkurat no ser det ut til å bli eit meir travelt musikkår enn kva eg hadde plan og håp om, seier Carina Blålid.