- Eit historisk vedtak

Dei som trudde at handsaminga av skulebruksplanen for 2010 - 2020 skulle bli ein politisk batalje i kommunestyret tysdag tok durabeleg feil. Handsaminga blei prega av harmoni og stor grad av semje.

- Dette er eit historisk vedtak. Vi har nok ikkje opplevd tilsvarande sia 60-talet då den gamle ungdomsskulen blei vedteken, oppsummera ordførar Terje Søviknes (Frp).

Skryt til Torsvik
Representantane frå ytste høgre til ytste venstre var uvanleg samstemde i ein ting på tysdagens møte. Nemlig å gje honnør til arkitektane bak den nye skulebruksplanen.

- Forrige gang vi handsama skulebruksplanen i 2008 fekk vi ein ferdig plan får Norconsult og vedtok noko som ikkje kunne brukast, innleia Hedevig Holst (H) - leiar i tenesteutvalet sitt innlegg med.

- Eg vil gi all mogleg honnør til kommunaldirektør Ingvar Torsvik som tok opp hansken og utfordra oss politikarar om å laga ein skikkeleg plan, sa Holst om bakgrunnen for den nye skulebruksplanen.

Tverrpolitisk samarbeid
Holst ikkje berre gav skryt, men fekk sjølv mykje honnør for jobben ho har gjort med å leia sine politikervener i arbeide med å utforma den nye skulebruksplanen.

- Eg vil takka Hedevig Holst for engasjementet og den gode leiinga ho har vist i arbeidet med planen. Venstre har fått lov til å koma med innspel og kommentarar nett som dei andre partia i opposisjon og i posisjon noko vi sett stor pris på, sa Tore Rykkel (V) frå talarstolen.

I etterpåklokskapens lys var det òg fleire som fann det riktig å gje Torunn Øvredal (Tvs) rett i dei innsigelsane ho kom med sist planen blei handsama.

- Representanten Øvredal freista fånyttes å åtvare oss mot dei store manglane i den forrige planen, innrømma Stig Nilsen (Frp).

Lite truleg Moberg
I skulebruksplanen har administrasjonen trekt fram tre aktuelle tomter for å plassera den nye ungdomsskulen. Det er ei tomt på Moberg, ei på Nore Neset og ei i Sveo/Prestegardsskogen kor tomta på Moberg er eit klart førsteval frå administrasjonen si side.

Som midtsiden.no skreiv om i går har grunneigarane på Moberg reagert på at eit fulldyrka landbruksareal skulle takast til skuleformål, og at dette kan bety kroken på døra for fleire som driv gard i området.

Ikkje uventa fekk grunneigarane støtte frå Senterpartiet i kommunestyret tysdag, men òg dei andre partia gjekk langt i å forkasta Morberg som alternativ plassering.

- For Os Senterparti er det fullstendig uaktuelt å omdisponere verdifullt landbruksområdet til ny skuletomt, i fylgje Ingrid Netland.

- Ei eventuell omdisponering av arealet til off.formål/skuletomt vil væra i strid med jordvernet som fylgjer av jordlova. Kommunen har i tillegg til å sikre utbygging av nye skular også eit ansvar med å ta vare på jordbruksareala for å sikre framtidig matproduksjon. Når disse to prioriteringane settes opp mot kvarandre så vil det av samfunnsmessige omsyn væra eit klart førsteval at en skal beholde kjerneområde for landbruk, hevda Netland.

- Arbeiderpartiet vil nyttja eit gamalt knep frå Kvinnherad og fremja ein protokollmarknad om ikkje å bruka landbruksareal til skulen, så Nils-Olav Nøss (Ap) før han overrekte ordføraren merknaden. Dermed slapp dei å risikera å bli nedstemt av kommunestyret.

AP: Køyr Frp-stil
Posisjonen har fleire gonger fått på pukkelen for å "overkøyra" oposisjonen. Tysdag blei dei derimot oppmoda om å gje gass.

- Denne planen er så god at no håpar eg på kjent Frp-stil. Her er det berre å dura i veg, så Borghild Borgen (Ap).

Ad-hocutval
I vedtaket frå kommunestyret blei det bestemt å setta ned eit Ad-hoc-utval av politikarar og administrasjonen som skal rapportera til formannskapet om prosjektorganisering, framdrift og eventuelle avvik ved gjennomføring av skulebruksplanen.

Bjørn Matland (H) blei valt som leiar av utvalet og fekk med seg Gustav Bahus (frp) og Ingrid Netland (Sp) som politikarar. Administrasjonen skal i tillegg utnemna to representantar.