Eit tre som innbyr til fest

I månadsskiftet april-mai står det i full prakt, med blomar så tett at treet ser ut som ei sky. Ei lita veke seinare er det over.

– Eg trur det er ein variant av japansk kirsebærtre, seier eigar, Tom-Håkon Mjånes.

Han har overtatt eigedomen bestefaren hadde. Det var han som planta treet.

Japansk kirsebær (Prunus Serrulata) veks i Kina, Japan og Korea. I Noreg kan du mellom anna finna trea rundt Lille Lunegårdsvannet, i Japanhagen til Arboretet og i Botanisk hage.

Symbolikk og vitskap

Den korte blomstringa (sakura) har blitt eit symbol på å gripa dagen, og ei påminning om kor kort og verdifullt livet er.

I Japan har dei feira blomstringa sidan 700-talet, med festen hanami, ifølgje forskning.no i ein temaartikkel om korleis trea kan avsløra klimaendringar.

Japansk kirsebærtre har blitt gitt i gåve til fleire nasjonar, og festen har breidd om seg, blant anna til Europa og USA.

Eit eksempel er den to veker lange kirsebærtreblomstringsfestivalen i Washington DC, skriv BT, som nemner «Fem ting du ikkje visste om japansk kirsebær».

som innledes hvert år den siste dagen i mars. Da fylles byen av rosa blomster, hele 3000 trær springer ut i blomst i løpet av denne perioden, til glede for lokale og turister som flokker til byen.

Fuglane øydelegg festen

Mjånes har ikkje markert blomstringa, som var over i førre veke, men han har ein ambisjon om å laga fest seinare.

Japanske kirskebærtre har rosa eller kvite blomar. Nokre av dei, som Mjånes sitt, har bær.

– Eg brygger litt øl, og har lyst å prøva å laga likør av kirsebæra. Men kvart år, rett før dei er modne, kjem det fuglar og tar alle bæra.

Tom-Håkon tar imot tips frå lesarane med takk.

– Treet er for høgt til at eg kan kasta ei not over det, men om nokon veit korleis eg kan halda fuglane vekke, så hadde det vore supert.

Midtsiden vidarebringer - tips@midtsiden.no.

– I tillegg har eg ein pensjonert nabo som er fel å gå på slang, han reknar eg med det ikkje finst råd mot, humrar Mjånes.