Næringsliv | 23. juli 2013

Eksplosiv dag hos Askeladden

Lageret til Båtens Beste har aldri vore mindre. Men det har ikkje noko med finvêret å gjera.

Eksplosiv dag hos Askeladden
Henrik Askvik har utsikt til den travle marinaen frå kontoret sitt. (Foto: Kjetil Vasby Bruarøy) 
Kjetil Vasby Bruarøy
Kjetil Vasby Bruarøytirsdag 23. juli 2013 07:38

– Måndagane er ofte ekstra travle om sommaren. I dag låg det to båtar i brygga som vi ikkje kjente frå før, og fleire har kome innom i løpet av dagen.

– Telefonen har ikkje stått med folk som vil ha delar eller hjelp på verkstaden, seier Henrik Askvik.

Han fortel at små uhell og fylling av feil drivstoff er blant klassikarane etter ei travel båthelg.

– Auka salet på godvêrsdagar?

– Ja, i butikken, med sal av utstyr, redningsvestar, vannski og gjerne ein mindre påhengsmotor. Og så kjem det ein og annan og spør etter båt, folk som vil ha båt levert helst same dag.

– Har truffe godt

– Men då er det helst ein liten båt, og småbåtar er vi så og seia tom for. Vi har éin 475 igjen, éin C62 Cruiser og to Crossover.

– Vi har faktisk aldri hatt så tomt lager. Men det kan vi ikkje takka denne godvërsperioden for. Vi har justert produksjon og lager etter kva vi har venta, og tydelegvis truffe godt.

Årets sol aukar salet neste år

Men fleire småbåtar kunne Båtens Beste hatt inne.

– Sånn er det dessverre av og til. Det du er tom for er det folk vil ha.

– Men finvêret set vi båtprodusentar og forhandlarar alltid pris på. For det første blir det full fart i både butikken og på verkstaden, for det andre kan vi få auka sal neste år om årets sommar blir fin, seier Askvik.

Les òg: Fekk avtale med Forsvaret

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.