Elg til Osfest
Osfest slepp to nye namn til festivalen i 2015.
Bildeserie:
Fredag 31. oktober, under ein fest for dei som jobba som frivillig under årets Osfest, blei dei to første musikarane til Osfest 2015 lansert; Elvira Nikolaisen og Monica Heldal er begge klare for Osfest neste år.
I dag går arrangørane ut med to nye namn:
Øivind «Elg» Elgenes og deLillos kjem også til Osfest 31. juli og 1. august 2015.
– Vi har booka sju band til no, tre av dei må vi venta med å sleppa namna på, fortel Ole Reinert Berg-Olsen frå Osfest.
Venta på solo-Elg
Både Elg og deLillos-vokalist Lars Lillo Stenberg var blant musikarane som deltok i førre sesong av Hver gang vi møtes på TV2. Dei har begge lang fartstid etter kvar sin brakdebut på 80-talet, Elg som vokalist i Dance With A Stranger, som han framleis speler med.
– Vi hadde Elg høgt på ønskjelista til årets festival, men i 2014 har han spelt med Dance With A Stranger. Eg ville ha han som soloartist. Elg er ein utruleg kul type og syng både Dance With A Stranger-låter og sine eigne, og har eit veldig bra band med seg også når han kjem som soloartist, seier Berg-Olsen.
Prisvinnarar
Dance With A Stranger-låta «Everyone Needs A Friend» blei framført første gong under Spellemannshowet tidleg i 1988 og blei ein stor hit. Låta har seinare blitt ståande som ein av dei store norske popklassikarane og bana veg for debutalbumet som selte 125.000 eksemplar og gav Spellemanssprisen, ein pris bandet også har vunne to gongar seinare.
Øivind Elgenes har laga fleire soloalbum med låtar som «Lucky One» «Som første gang» og «Storm». Sist han spelte i Os var i 2008 saman med DWAS i Oshallen i regi av Os Fotball.
Sist deLillos spelte i Os var under Vårsleppet i 2009.
DeLillos blei danna i 1984 og har sidan vore nominert til Spellemannsprisen heile åtte gangar. To gongar fekk dei prisen.
– Eg har varma opp for deLillos tre gongar, men har alltid hatt eit tett program og reist rett vidare. Dette blir første gong eg ser dei live og eg gler meg veldig, seier Ole Reinert Berg-Olsen.
Bandet si ferskaste plate er albumet Rett og slett livet (2014).
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.