Elias Salbu debuterer med sommarlåt

– Det starta som ein spøk, seier den tidlegare «The Voice»-deltakaren frå Os.

Elias Salbu debuterer med låten «Better in the summer». (Foto: Matilde Solsvik)
Kjetil Vasby Bruarøy
Kjetil Vasby Bruarøyfredag 10. juli 2020 08:29

Elias Grimstad Salbu (21) var blant dansarane på Havfest i 2011, og blei headhunta til ei større rolle i 2012. I 2012 tok han òg UKM med storm, seinare same år gjorde han god figur på Norske Talenter.

I 2017, mens han var elev ved Kongshaug Musikkgymnas, tok han seg heilt til duellane i The Voice.

No har han nettopp flytta til Bergen, der han jobbar med musikk og underviser litt.

I dag debuterer han med låten «Better in the summer», som no er tilgjengeleg på fleire strøymetenester, blant anna Spotify.

– Ein koseleg sommarlåt

«Låten byr på en herlig smak av sommer, med en drømmende og avslappet atmosfære. Låten har en varm, klar og oppløftende tone, og vil øyeblikkelig få deg i godt humør» skriv managementet i presentasjonen av Elias sin første låt.

– Ideen starta eigentleg som ein spøk. Eg skulle improvisera ein klisjé av ein sommarlåt på gitaren, men så høyrdes det koseleg ut, og eg bestemte meg for å jobba vidare med melodi og tekst.

Elias Salbu gir i dag ut sin første låt. (Foto: Matilde Solsvik)

Han sette andre prosjekt på pause og ferdigstilte låten.

– Det er kjekt å endeleg få gi ut eige stoff, og å koma med ein sommarlåt midt på sommaren, synest Elias.

Better in the Summer handlar om kor fin sommaren er, og om at ting generelt kjennest betre når det er sommar.

Elias håper songen gir rom for avslapping og kos utover seine kveldar.

Sjangeren blir skildra som pop/indie med noko jazzpreg.

Better in the summer - cover.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.