Elias song seg vidare

UKM i Os 2012 (VIDEO): Elias Grimstad Salbu tok juryen (og jentene) med storm og blei ein av dei seks bidraga som gjekk vidare til fylkesmønstringa.

Kjetil Vasby Bruarøy
Kjetil Vasby Bruarøysøndag 05. feb. 2012 09:22

Bildeserie:

Viljar Brunvoll. (Foto: KVB)
Sanne og storebror Simen Moesgård. (Foto: KVB)
Mari Harju Skeie. (Foto: KVB)
Oda Hjelle Skorpen og Kristine Karlsen. (Foto: KVB)
Aurora Aksnes og Julie Frances Roman. (Foto: KVB)
Dansegruppa "Smach" frå Lysefjorden. (Foto: KVB)
Åshild Svendal Os. (Foto: KVB)
The Floyds Pink Chicken. (Foto: KVB)
Pink Disease. (Foto: KVB)
Marcus Opstvedt spelte trommer for to band. (Foto: KVB)
Viljar Brunvoll. (Foto: KVB)
Sanne og storebror Simen Moesgård. (Foto: KVB)
1 av 10
Sanne og storebror Simen Moesgård. (Foto: KVB)
Mari Harju Skeie. (Foto: KVB)
Oda Hjelle Skorpen og Kristine Karlsen. (Foto: KVB)
Aurora Aksnes og Julie Frances Roman. (Foto: KVB)
Dansegruppa "Smach" frå Lysefjorden. (Foto: KVB)
Åshild Svendal Os. (Foto: KVB)
The Floyds Pink Chicken. (Foto: KVB)
Pink Disease. (Foto: KVB)
Marcus Opstvedt spelte trommer for to band. (Foto: KVB)
Viljar Brunvoll. (Foto: KVB)

Laurdag blei årets kulturmønstring for ungdom arrangert i Os. I fjor var det 23 bidrag frå Os i den lokale mønstringa, i år var det 10.

Med utviding frå Fjellheim til Oseana blei det også plass til Fusa, og til saman fekk vi sjå 18 bidrag på scenen.

SJÅ ALLE I VIDEO NEDST I ARTIKKELEN

I tillegg var foajeen fylt med kunst, bidrag i form av skulptur, maleri, teikningar, lampar og fotografi, 19 i alt (8 frå Os). Også desse bidraga var del av mønstringa.

Fylket flyttar til Os

Konferansier for kvelden var Andreas Lindborg, festivalsjef på Søfteland Rock N LoL og trommespelar i Bone Shakers. Lindborg starta med å gje ordet til Astrid Marthinussen frå barne- og ungdomsrådet i Hordaland fylkeskommune.

Marthinussen er fylkeskontakt for UKM og ho fortalte at ho såg fram til både kveldens lokalmønstring, årets fylkesmønstring og neste års flytting av fylkesmønstringa, frå Grieghallen til Oseana.

Søskenpar saman

Årets UKM starta med den fine Sigvart Dagsland-låta "Ka e du redd for", nydeleg framført av søskenparet Sanne og Simen Moesgård.

Dei to har vore med på fleire framsyningar i Os dei siste åra, blant anna operaen "Havfest". Dette er første gong vi har høyrt dei to i duett, og det gjer vi gjerne igjen, det same meinte juryen.

Viljar Brunvoll, som også gjekk vidare, var med på tre bidrag. Viljar spelte med to ulike rockeband, men blei sendt vidare for sitt solobidrag på piano.

Rock til slutt

UKM heldt fram med osingar og fusingar, frå klassisk song og musikk, til saksofon, piano og dans.

Etter pausen kom tre friske rockeinnslag, eitt frå Fusa og to frå Os, før alle deltakarane blei samla på scenen og juryen kunne fortelja kven som blei sendt vidare til fylkesmønstringa i Grieghallen i midten av april.

Juryen: Jonny Haugland, Hildegunn Anda, Hanne Solvang, Olga Bjørge, Karl Ole Midtbø og Tone Koldal.

Desse gjekk vidare frå Os:
1. Sanne og Simen Moesgård (song)
2. Mari Harju Skeie (song)
3. Aurora Aksnes og Julie Frances Roman (dans, moderne barlesque)
4. Viljar Brunvoll (piano)
5. Elias Grimstad Salbu (song/gitar)
6. Åshild Svendal Os (dans, klassisk ballett)

Frå utstillinga blei desse kunstnarane sendt vidare:
Anne Marthe Moberg Lokøy, Loan Thanh Bui og Sandra Charlotte Tveit.

UKM Os blei arrangert saman med UKM Fusa i år.
Her ser du deltakarane og vinnarane frå Fusa

I videoen under kan du delar av sjå alle innslaga frå Os og Fusa (15:32). Foto: Andris Hamre.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.