Sport | 09. feb. 2013

EM-bronse til Åsmund!

Åsmund Slettevold vann i dag ein historisk bronse i junior-EM i karate.

EM-bronse til Åsmund!
På pallen i EM! Åsmund nr to frå høgre. (Foto: Norges Kampsportforbund, kampsport.no)
Kjetil Vasby Bruarøy
Kjetil Vasby Bruarøylaurdag 09. feb. 2013 18:08

Åsmund Slettevold frå Os Karateklubb tok 3. plass i junior-EM i karate i Tyrkia i dag.

– Osingar har tatt EM-medaljar før, men dette er den første medaljen i junior allstyle, seier instruktør Vidar Mjånes.

Stor klasse

Junior-EM, som blir arrangert i Konya i Tyrkia, har 828 utøvarar frå 44 nasjonar.

Åsmund går i eldste og nest tyngste juniorklasse, - 76 kilo, ein klasse med 28 deltakarar.

Vann 4 av 5 kampar

Slettevold vann den første kampen mot A. Taylor frå England 2-1, men tapte den neste kampen mot U. Aktas frå Tyrkia. Tyrkaren gjekk til finalen (og vann), så dermed blei det rekvalifisering og kamp om bronse på talentet frå Os.

I første rekvalifiseringskamp vann Åsmund over T. Kalogiannis fra Hellas på dommeravgjerd, den neste vann han 3-0.

Åsmund vant bronsefinalen over J. Korolkovs frå Latvia. Osingen leia 1-0, men motstandaren skåra rett før slutt og kampen blei avgjort av dommarane som heldt Åsmund som bestemann.

Flott feiring på Os

Mjånes ser fram til å feira medaljen saman med 35 karate-venar på 30-årsjubileet til Os Karateklubb.

Jubileet blir feira med 12-rettars middag på Restaurant Engeline.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.