EM-medaljar til Os

Årets EM i handbak, som blir arrangert i den polske byen Gdansk frå 13. til 20. mai, har 17 norske deltakarar, av dei er 7 frå Os.

Tre av dei har tatt medaljar til no, Frode har tatt sin første EM-medalje.

2 x bronse til Øyvind

Onsdag var Øyvind Birkeland ved brytebordet. Han deltar i masterklassen (+40 år) i -90 kg.

Der blei det eitt tap, men mange nok sigrar til 3. plass og EM-medalje nummer to og tre for den sterke stordabuen i Os Håndbakklubb.

Øyvind tok nemleg bronse med både høgre og venstre arm i master.

Fekk zero

Torsdag 17. mai var veteran og tidlegare europameister og verdsmeister Arne Thuen i elden i grand master (+50 år) . Thuen, som fyller 58 år i år, deltok i -90 kg og måtte finna seg i éin plass lågare enn førre EM han deltok i, det blei bronse på Arne.

– Når han går for gull og ikkje klarer det, som han gjorde i Itialia då han tok sølv, så kjøper vi Cola Zero til han. Arne elskar cola, men vil ha ekte vare. Zero er vår måte i straffa han på, ler Frode Veim Haugland.

Frode god med venstre

Frode tok sjølv sin første EM-medalje då han i dag tok bronse med venstre arm i -85 kilo.

I morgon skal fleire av deltakarane frå Os i elden igjen, då er det bryting med høgre arm i seniorklassen.

Der har Frode og sjanse til å ta nok ein medalje. Dei yngste og eldste klassane er ferdige, men Os har fleire seniorar i EM, som Ronny Risøen, Tore Matre, Are Strønen og Asle Kvamsdal.

Les òg: Sterk 17. maifeiring i Polen