Enkle grep for betre helse
Det blei både trim og gode tips då «Trygg i Os» satte fysisk aktivitet og helse på dagsorden i Oseana tysdag.
Bildeserie:
For fjerde året på rad inviterte Os kommune senior-innbyggjarane til konferansen «Trygg i Os» i storsalen i Oseana.
– I år handlar det om fysisk aktivitet og helse. Og som de ser har eg førebudd meg, helsa programleiar Tove Hille, i det ho steig ut av teltet ho hadde rigga seg til i på scene. Med seg hadde ho både liggeunderlag, el-sykkel og alt ein ellers treng for å ta seg ut på tur.
På programmet sto mellomanna tips til korleis komma i trening, ei orientering om turmoglegheitane og det arbeidet kommunen gjer saman med Os Turlag for å tilretteleggja desse. Også den relativt nyoppstarta tenesten Kvardagsrehabilitering blei presentert før deltakarane fekk servert lunsj.
Tre gode treningsapperat
Frå Bergen hadde arrangørane henta inn Randi Marie Berntsen frå Idrett Bergen Sør, ei samanslutning av fem idrettslag i Bergen Sør og Yttrebygda, som har som mål å få dei som til vanleg ikkje er aktive i idrettslaga til å komma seg i aktivitet.
– Eit av tilboda er Evig Aktiv, eit tilbod til seniorar, kor vi i dag har med omlag 200 deltakarar fordelt på 10 ulike grupper kvar veke, forklarte Berntsen før ho fekk tilskodarane med både på å trimma og å få augene opp for kor lite som skal til.
– Det er aldri forseint å starta å trena. Mange av dykk har gjerne vore aktive gjennom eit heilt arbeidsliv og på den måten har de heldt dykk i form. Det må de halde fram med.
– Det finnst tre gode treningsapparat, som eg er sikker på at de alle har heime eller møter kvar einaste veke, sa Berntsen til lett undring frå salen.
1. Godstolen
Sjølv godstolen kan fungera som eit treningsapparat meinte nemlege ho.
– I staden for å setta seg rett ned kan de tenka at det ligg ein teiknestift i stolen som stikk dykk. Kva gjer de då, jo reiser dykk opp att. Gjer det ti gonger på rad og de har trimma, smilte Berntsen.
2. TV-en
Også når ein vel hadde satt seg ned kan ein trimma.
– Beveg anklane, fram og tilbake, rundt i sirkel og opp og ned, forklarte Berntsen medan ho fekk tilskodarerane til å gjera det same.
– Då jobbar de med balansen og det er viktig. Det er vel ingen av dykk som vil ramla på grunn av dårleg balanse, spurte ho retorisk og fekk samtykkande nikk frå salen.
3. Butikken
Kvifor er det slik at alle skal parkera nærast mogleg inngangen når dei skal å handla, undra idrettskonsulenten.
– Parkér heller lengst mogleg i frå, så får de dei skritta ekstra. I tillegg kan de jo bera posene ut att i bilen i staden for å trilla dei i handlevogna. På den måten får de i tillegg litt styrketrening, avslutta Berntsen før ho fekk salen opp på beina igjen for lette øvingar og ein sjølvi.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.