Er dette tilfredsstillande?

Bildeserie:

1 av 4

For omlag nøyaktig to år sidan, i november 2015, gjekk eit jordras på nedsida av Smiebakken, ned mot tomta kor Leigland Bygg no byggjer ny butikk for Kiwi på Steinneset.

Entreprenøren har etter dette, og etter fleire runder med kommunen, sikra skråningen med murar.

– Eg rekner med at det er løyst no, men ser samstundes at vegen har sege ned mot butikken. Det gjeld òg stabbesteinane som skal stoppa ein om ein havnar utanfor, dei har blitt relativt låge. Med tanke på at vi veit at det kan bli veldig glatt der om vinteren, så lurar eg på om dette er tilfredsstillande. No er det berre nokre centimeter som kan stoppa ein før en kjem utanfor der. Ein bør vel gjera noko med det no, før vinteren set inn, påpeika Sperrevik.

Er i dialog

Kommunalsjef for samfunnsutvikling, Aina Tjosås, fortalde, etter å ha fått undersøkt litt at kommunen framleis var i kontakt med entreprenøren.

– Vi held på å jobba med dei og er i dialog med tiltakshavar. Vi skal følgje dette opp, forsikra Tjosås.