– Er glad det velta den vegen

Torsdag fekk Midtsiden tips om velta anleggsgjerde langs Hegglandsdalsvegen ved Vallabrua.

Det blir bygd ny bru og ny gang- og sykkelveg på staden. Hovudentreprenør er Peab.

– Det har vore nokre kraftige vindkast i området i dag og i går. Gjerdet har velta fleire gongar, seier prosjektleiar Lars Johan Røsberg.

Avstanden til bilvegen er stor nok til at trafikken ikkje er råka. Hadde gjerdet velta den andre vegen ville den å stengt delar av den midlertidige gangvegen og, i verste fall, skadd skuleungar eller andre fotgjengarar.

– Vi har informert skulen om utfordringa, og vidareformidla faren for at gjerdet veltar.

– Gjerdet skal skiftast ut med noko lågare, med indre vindfang og lågare fare for å gjera skade i tilfelle vi får fleire vindfulle periodar.