Er under behandling
Politiet ber om tips etter fallulykka i går. Helse-Bergen fortel om tilstanden til mannen.
Klokka 23.27 fredag kveld fekk politiet melding om ulykke på Oseana.
Les òg: Hamna utfor muren
Ein mann hadde hamna utfor plattingen utanfor foajeen til Oseana og ned på asfalten ved utkjørsla til moloen.
Mannen blei henta av ambulanse som kjørte han vidare til Kyrkjeflaten der luftambulansen overtok.
– Tilstanden er alvorleg, fortel Ragnhild Dårflot Olsen ved kommunikasjonsavdelinga på Haukeland universitetssjukehus.
Søkjer fleire vitneobservasjonar
– Vi tar åstadundersøkingar på Oseana i dag og vil prøva å danna oss eit bilde av kva som har skjedd, seier politibetjent Tom Johannessen.
– Patruljen fekk snakka med nokre vitne i går, men vi er interessert i å snakka med fleire, både dei som snakka med vedkomande i forkant og spesielt om det er nokon som såg sjølve ulykka.
Politiet når du på mobil 480 02 480.