- 13. okt. 2020

Er-An Veikro startar med TV-sendingar

Vil snakka om fortid og framtid i ny serie.

Er-An Veikro startar med TV-sendingar
Linda og Ørjan byr på seg sjølv i TV-sending frå Røykenes i kveld.
Kjetil Vasby Bruarøy
Kjetil Vasby Bruarøytirsdag 13. okt. 2020 13:00

Er-An Veikro vil informera og underhalda i ny serie sendt via Facebook.

I ettermiddag er det premiere på «Keep on rockin' tv».

Restauranten er ikkje som andre restaurantar, Er-An har bydd på alt frå musikktalentkonkurranse og driveinkino til Elvis-show og konkurranse.

Det er med andre ord ikkje matlaging som blir hovudtema.

– Vi vil fortelja om både fortid og framtid, korleis vi har opplevd koronapandemien og kva planar vi har for vekroa i framtida, fortel innehavar Linda Andersen.

Kvifor står det ein borerigg bak restauranten? Det får du kanskje svar på i ettermiddag.

Med kulturkokk bak spakane

Linda har gjennomført ei rekkje stunt på Røykenes før, men akkurat TV-sendinga er det ein tilsett som har kome med.

– Ørjan Setvik byrja å jobba hos oss i februar. Han skulle vera både kokk og eventsjef, men vi fekk jo ein koronavår med få event, så no blir det nok godt for han å arrangera noko.

Setvik er både kokk og musikar, og har blant anna engasjert seg i både ølbrygging og dei lokale filmfestivalane.

Han deltar i sendinga saman med Linda.

Vil ha livesending på halloween

Andersen fortel at ho her svært nervøs før dagens sending - sjølv om den allereie er spelt inn.

– Det blir jo spennande å sjå responsen, om dette er noko folk vil sjå på.

Neste sending blir neste tysdag, men så er planen å ha ei direktesending med publikum.

– Halloween har jo vore ekstra spennande hos oss før, og målet er å få ei spesialsending laurdag 31. oktober. Der vil vi òg koma med nokre spennande avsløringar, fortel Linda knappe tre timar før premieren.

Bli medlem du også!

Di støtte gir liv til lokalavisa vår.

  • Tilgang til alt innhald
  • For heile familien (6 pers)
  • Utan bindingstid
  • Berre 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.