«Ett år i vår hage»

Torsdag 20. september er neste møte i Os Hagelag.

Då kjem hageentusiast og botanikar Egil Risnes for å fortelja om hagen sin.

«Eitt år i vår hage» er tittelen på bildekåseriet.

– Egil har ein allsidig og frodig hage på Nesttun, med drivhus, hagedam, frukttrær, bærbuskar, grønsaker, sommarblomar og masse staudar, seier Jan Helge Gram Eggestøl.

– Vi får høyra korleis hage-året blir planlagt og korleis hagen blir stelt gjennom året. Her vil det vera mykje inspirasjon å henta og mange gode tips å få.

Møtet er i Tunet kyrkje- og kultursenter i Os sentrum.

– Det vil som vanleg bli servert godsaker og høve til triveleg hageprat. I tillegg har vi loddsal med fine hagepremiar.