Etterforskar drapssak
Politiet stadfestar at dei etterforskar dødsfallet i Gamleheimshagen som ei drapssak. Kommunen har krisemøte.
Søndag klokka 21.37 blei ei eldre kvinne funnen død i husværet hennar i Gamleheimshagen i Oshaugen.
Det var ein heimesjukepleiar som fann kvinna.
Ein mann blei ifølgje politiet observert i husværet kort tid før ho blei funnen død.
Store politistyrker og hundepatruljer er på staden. Politiet driv søk i området og går frå dør til dør for å høyra om noko har sett noko som kan ha med saka å gjera.
Politiet er framleis interessert i tips på 02800.
Lensmann Rasmus Dalen seier til BT.no at saka blir etterforska som ei drapssak.
Full etterforskning
Måndag morgon fortel Dalen at dei held fram med full taktisk og teknisk etterforsking. Han vil av etterforskningsmessige hensyn ikkje gå inn på kva funn som gjorde at dei iverksatte etterforskning.
Politiet veit foreløpig ikkje identiteten til mannspersonen som blei observert i husværet til kvinna før heimesjukepleien fann ho.
- Vi ønskjer kontakt med alle som har vore i nærleiken av kvinna i det aktuelle tidsrommet også denne mannen, seier Dalen.
Ifølgje BT blei fleire tilsette i open omsorg i Os kommune kalt inn på møte seint søndag kveld, for å gå gjennom ein debriefing.