Jul | 28. des. 2024

Etterlyst: Osingen

Kjenner du Totenadelen? Då treng juledetektiven hjelp av deg.

Etterlyst: Osingen
Denne julegåva søker etter eigaren sin. Skjermbilete frå: https://www.posten.no/jul/juledetektiv
Marie Ingeborg Kroka
Marie Ingeborg Krokalaurdag 28. des. 2024 14:43

Det finst som kjent to stader i Noreg med stadsnamnet Os. Her i Vestland, og i Innlandet.

«Til Osingen frå Totingadelen», står det på den adresselause pakka.

Kvar denne gåva eigentleg skulle lege under juletreet på julaftan, er ein godt bevart hemmelegheit.

Juledetektiven til Posten er på saka, og håpar på hjelp frå publikum.

«Nokre julegåver har ikkje kome fram. Hjelp oss å finna riktig mottakar ved å tipsa oss om du kjenner igjen ein pakke», skriv Juledetektiven på nettsida si.

Der kan du gå inn og sjå bilete av pakkane som er på jakt etter rettmessig mottakar, og legga igjen tips.

Eit anna tips, frå Posten Bring til deg, er å sjekka om du har pakkar som ventar på deg.

I følge ei pressemelding som blei sendt ut i går, var det då 13.866 pakkar berre i Vestland, som var kome fram til pakkeutlevering i automat eller butikk, men som ikkje enno var henta ut.

– Hentefristen er sju virkedagar, så har du mogelegheit no i romjula, er det nok lurt å ta ein tur for å henta ut pakkane dine, tipsar kommunikasjonsdirektør i Posten Bring, Kenneth Tjønndal Pettersen.

– Post i Butikk vil holda ope så lenge butikkane er opne, mens det i pakkeboksar er mogeleg å henta til alle døgerets tider, så lenge du har Posten-appen, forklarer kommunikasjonsdirektøren.


Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.