Europe next!
Torsdag reiser osingane i Manheads på europaturne med Blood Command. - Dette er noko vi har drøymt om sidan vi var små, seier Alexander Dymbe.
![Europe next!](/_next/image?url=https%3A%2F%2Fcdn.sanity.io%2Fimages%2Fahcmq7tx%2Fproduction%2Fb17ae237e36cedd26a9d75ccda12367b952daffc-1140x760.jpg%3Frect%3D0%2C38%2C1140%2C684%26w%3D752%26h%3D451%26q%3D100%26dpr%3D2&w=3840&q=75)
![Kjetil Vasby Bruarøy](/_next/image?url=https%3A%2F%2Fcdn.sanity.io%2Fimages%2Fahcmq7tx%2Fproduction%2Fd394ce3033ee74f1b7563efe62438c9efc71d8ce-1140x760.jpg%3Frect%3D569%2C160%2C387%2C387%26w%3D80%26h%3D80%26q%3D100%26dpr%3D2&w=3840&q=75)
Blood Command består av Yngve Andersen (gitar), Silje Tombre (vokal) og Sigurd Haukaas (trommer). Bandet, med medlemmar frå Askøy, Arna og Austlandet, har osingane i Manheads med seg når dei spelar LIVE.
- Den første konserten deira var på Hulen i februar, sidan har det blitt både Ukas Urørt og spelejobbar på Øya-festivalen og på festival i Tromsø, og oppvarming for Silver, fortel Alexander Dymbe.
Alexander (bass) og Manheads-kameratane Jon Haaland (vokal/gitar), Remi Christensen (gitar) og Mads Røykenes (trommer) reiser no saman med Blood Command på sin første europaturne.
- Europearane sluker rått
Turneen inneheld konsertar i Polen, Praha og Tyskland, og Dymbe trur det blir som ein draum.
- Dette er noko vi har snakka om sidan vi var små, å reisa i turnebuss på kontinentet blir heilt fantastisk.
- Kva veit europearane om Blood Command?
- Eg veit ikkje, men managmentet vårt meinte dette var riktig av oss, så då tar vi turen. Norsk rock, og spesielt den frå Bergen, blir uansett slukt rått nedover i Europa, seier Alexander.
NRK blir med
Artistane har fått med seg kamera av NRK, og snuttane dei spelar inn skal klippast til eit innslag som blir vist etter heimkomsten.
- NRK følgjer ein del med oss, og vil ha ein form for videoblogg frå turneen. Truleg blir det vist på P3-TV eller Lydverket over nyttår.
Rundar av med release
Blood Command gav tidlegare ut ein 10-tommar med fem låtar på. No i haust kjem ein ny 10-tommar, denne med fire låtar på.
- Turneen blir runda av med konsert og sleppefest for "Party all the way to the hospital" på Garage i Bergen 30. oktober.
Under kan du sjå musikkvideoen til "Five Inches of a Car Accident".
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store