Vegvesenet hadde trafikkontroll mellom Os og Bergen torsdag, og kontrollerte nesten 500 bilar på toppen av Fanafjellet.
– Det var lite trafikk, men dei som var ute og køyrde hadde stort sett det meste i orden, seier Svein Olav Nymark frå Statens vegvesen.
Fire bilar fekk skriftleg melding om manglar, to blei avskilta.
To andre bilistar fekk gebyr for manglande bruk av bilbelte.
– Det var gledeleg å sjå at dei fleste bruker bilbelte og har orden på sakene sine, seier Nymark.