Få uhell etter nytt snøfall

Søndag kveld og måndag morgon hadde krevjande køyreforhold fleire stadar, og Hatvikvegen nær Os sentrum blei blokkert og stengt i over to timar.

Måndag kveld fekk meir stabilt føre, men tysdag morgon byrja det å snø tett. Det er likevel få meldingar om vanskar i Bjørnafjorden og bergensområdet.

Politiet varsla klokka 10.01 om eit trafikkuhell på Venjaneset. To bilar var involvert, truleg utan personskade, og uhellet skal ikkje ha skapt trafikale problem.

I Olsvik har ein buss køyrd inn i ein personbil i morgontimane, i Øygarden fekk eit vogntog problem med å koma seg vidare.

Elles har det vore meldt om saktegåande trafikk ein del stadar.

Det er meldt meir snø utover dagen i dag.

Onsdag er det venta skyfri himmel og 2 til 6 minusgradar.

Torsdag kan det koma lyn, og det er meldt snøbyger gjennom heile dagen. Fredag er det venta snøbyger, men òg periodar med opphaldsvêr.

Eikedalen fortalte i går om 20 cm nysnø sidan fredag. Dei får òg påfyll i dag, og kveldskøyringa har truleg veldig fine forhold denne veka.

Laurdag og søndag er det meldt varmare og regn i låglandet. Også heile neste veke ligg an til å få plussgradar og regn.

Dei som vil nyta vintervêret bør gjera det før søndag. Dei som vil rydda snø før den blir slaps bør òg nytta dei neste dagane.

• Sjå detaljert vêrmelding for Osøyro frå Storm og Yr side om side på VG Pent