Fann bombe i sjøen

Onsdag ettermiddag blei det funne noko som liknar ei bombe i Hauglandssjøen innanfor Halhjem.

- Det er funne ein gjenstand som kan vera ein gamal granat eller røykgranat, stadfestar operasjonsleiar Ole Jakob Malmo ved Hordaland politidistrikt.

- Vi er ikkje sikre på kva gjenstanden eventuelt inneheld og har derfor bedt om assistanse frå Forsvaret.

Gjenstanden skal ikkje utgjera nokon umiddelbar fare.

Ifølgje vitne skal ein representant frå Forsvaret ha kome til staden i bil og blitt plukka opp av politibåten.