Fann meir enn dei hadde håpa på
Dette synet møtte ungane i Strøno då dei skulle plukka boss langs 17. maitraseen.
Bildeserie:
Torsdag var elevane og lærarane ved Strøno Barneskule på dugnad for å gjera det fint langs vegen der toget skal gå i morgon.
Mellom krysset inn til Skipavika og krysset der toget skal starta, ved ein sti nær vatnet, fann dei meir enn elevane klarte å bæra.
– Det ser ut til å vera avfall frå ein byggeplass, med store mengder plast og ein del knust stein, seier ein av dei tilsette ved skulen, Solfrid Forstrønen.
– Dei som har dumpa dette kan gjerne koma og henta det, elevane har samla det i sekkar.
– Viss ingen tar ansvar så får det heller stå som det står. No er det i det minste rydda saman.
OPPDATERT:
Brannsjef Stein Gjøsund fortel at han har informert teknisk drift i Os kommune, som kjem og hentar bosset.
– Elevane har gjort ein kjempeinnsats, som vi takkar dei for! Søppelet ligg på kommunal grunn og er bygningsavfall som nokon har dumpa.