F.v.: Rune Fimreite, her saman med lensmann Oddbjørn Dyrdal og politioverbetjent Audun Hadler-Olsen. (Foto: KVB)

Fann nesten 2 kg amfetamin

Politiet gjorde i går eit av sine største beslag i Os nokosinne.

Av: Kjetil Osablod Grønvigh

Politiet fann i går oppunder to kilo av eit stoff som truleg er amfetamin. Funnet blei gjort under ransaking av ein bustad aust for Os sentrum.

– Det starta med at patruljen sjekka mistenkte i Os sentrum. Det blei funne mindre mengder narkotika på vedkomande, og det førte til ransaking av heimen hans, fortel politioverbetjent Rune Fimreite.

Der fann politiet store mengder stoff. Mistenkte, ein mann i 40-åra frå Os, sit no fengsla.

Gateverdi på oppunder 1 million kroner

Fimreite kan ikkje svara på om dette er det største beslaget som er gjort i Os. Men seier det er lenge sidan dei har gjort beslag av tilsvarande storleik.

Om stoffet er, som politiet trur, amfetamin, kategoriserer det under 2. ledd, 50 gram til 3 kilo.

• Les òg: Tatt for kjøp av 850 gram amfetamin - dømt til 2 år fengsel (2011)

Andre aviser omtaler gateverdi av amfetamin frå 250 til 500 kroner per gram.

Beslaget har med andre ord ein gateverdi på oppunder ein million kroner.

– Var dette eit slumpetreff, eller resultat av lengre etterforsking?

– Vi har kjennskap til personen, og det var nok bakgrunnen for at patruljen sjekka han i sentrum.

– Er vedkomande tidlegare dømt for narkotikakriminalitet?

– Ja.

– Blei det tatt beslag i andre ting, som pc, kontantar eller våpen?

– Det har eg ikkje oversikt over nett no, men det var i hovudsak knappe to kilo med stoff som er nemnt i loggen frå i går.

Fleire saker