Fann stor edderkopp på gartneri

... men er det ein eksotisk utlending som dukka opp hos Lyssand i dag?

Denne edderkoppen blei funnen på Lyssand Gartneri i dag. (Privat foto)
Kjetil Vasby Bruarøy
Kjetil Vasby Bruarøyonsdag 20. feb. 2013 13:59

Onsdag blei det funne ein større edderkopp på Lyssand Gartneri, og nokre av dei tilsette mistenkte at den kan ha kome med tulipanar eller frukt til Noreg.

– Nokre av bilane som hentar tulipanar i Os kjører frukt frå Oslo før dei hentar hos oss, fortel Vidar Hjelle frå Lyssand Gartneri.

Han sendte oss bilde av ein rundt 7 cm lang edderkopp og spurde om vi ville sjekka arten.

Stor og giftig - men "norsk" og ufarleg

Hos skulelaboratoriet i realfag ved UiB viser dei raskt vidare til Petter Jordan, som skal vera noregs framste ekspert på edderkoppar.

– Dette er ein stor husedderkopp (Tegenaria atrica) og den er vanleg i Noreg, seier Jordan til Midtsiden.

– Og dei kan bli endå lengre enn den du har bilde av, eg har sett dei med beinspenn på 8-9 cm, legg han til.

Utanlandske dør etter ei stund

Jordan fortel at det regelmessig kjem framande artar med frukt og liknande, og at det gjerne kjem spørsmål om desse er giftige og farlege.

– Av dei over 42.000 edderkoppartane som er funnen til no er det berre rundt 20 som er potensielt farlege for menneske.

– Og dei som kjem frå varmare strøk dør etter ei kort stund. Eg trur det er svært liten sjanse for at nokon av dei vil slå seg ned i Noreg.

Er du interessert i edderkoppar?

Jordan viser til edderkopper.net som ei side som er verdt å besøka.

– Der kan du sjå bilde av dei vanlegaste artane i Noreg og få hjelp til alle relaterte spørsmål. Sida er drive av ein gjeng trivelege folk som held eit høgt aktivitetsnivå på edderkoppfronten, seier Petter Jordan.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.