Fantastisk på Stord
Handballfestivalen på Stord blei ein sukess for dei drygt 100 frå Nore Neset. - Vi har hatt ei fantastisk helg.
Bildeserie:
Medan Os Turn tok turen over fjellet og handballturnering på Hamar, valde dei blåkledde konkurrentane i Nore Neset å reisa over fjorden til Handballfestivalen på Stord.
- Det blei ein fantastisk pinsehelg kor vi har storkost oss på Handballfestivalen, fortel leiar i handballgruppa Jan Kristian Rokne.
I tillegg til dei obligatoriske handballkampane har unge og litt eldre utøvarar får Nore Neset fått med seg vannkrig, grilling, bading og konsert med Idol-Jenny.
- Vi fekk sjølvsagt sett mange gode handballkampar i tillegg til dei vi spelte sjølv.
Tredjeplass i J12
Lengst av Nore Neset-laga kom førstelaget i J12. Med to sigrar og ein uavgjort i innleiande tok dei seg til A-sluttspelet kor dei slo Knarvik Nord 7-4 og Tysnes 6-3 i henhaldsvis 1/8-dels og kvartfinalen.
- I semifinalen møtte dei Fyllingen som blei for sterke, fortel Rokne.
Kampen enda med 6-12 tap for Nore Neset-jentene.
Det andre J12-laget til Nore Neset tok seg til kvartfinalen i B-sluttspelet kor dei tapte knepent 7-8 for Odda.
Fana for sterke
Dei eitt år eldre jentene tok seg òg til A-sluttspelet etter sigre over Sotra (7-6) og Mathopen 10-4). I 1/8-delsfinalen fekk Kvinnherad 2 unngjelda og måtte sjå at sterke Nore Neset-jenter banka dei 8-3.
Når Fana 1 sto på motsatt banehalvdel i kvartfinalen var det Nore Neset-jentene sin tur til å sjå at motstanderane blei for sterke. Kampen enda med tap 3-9.
Ubesigra gutar
Av dei 10 laga frå Nore Neset var det to gutelag med. G13 tapte si kvartfinale i B-sluttspelet 4-9 for Åkra.
Dei yngste gutane på G8-laget viste at det gror godt på gutesida.
Seks sigrar med 15-2 mot Stord 1L, 8-1 mot Stord 3L, 8-4 mot Stord 2L og 7-5 mot Stord 5N. Dei to siste resultata er ikkje oppdaterte frå arrangøren, men frå sikre kjelder får Midtsiden opplyst at også dei to siste kampane enda med Nore Neset-siger.
Ubesigra jenter 11
På jentesida gjorde Nore Neset 1 i 11-årsklassa det like skarpt med seks sigrar. Dei talentfulle jentene skåra 8-10 mål i kvar kamp, noko berre Sotra 2 var i nærleiken av då Nore Neset slo dei 10-8.
Nore Neset 2 i den same klassa gjekk ut av turneringa med fire sigrar, éin uavgjort og eitt tap.
I J10 stilte Nore Neset med tre lag kor kvar av laga også spelte seks kampar som enda både med siger, uavgjort og tap.
Imponert over innsatsen
Rokne er imponert over den innsatsen Stord IL legg ned i samband med festivalen. Heile 2700 deltakarar skal takast vare på i løpet av helga.
- Det blei ein kjempestor suksess med mange slitne barn og vaksne som reiste heim etter endt festival.
- Eg må få nytte høve til å takka alle trenarane og lagleiarane som gjer ein kjempeinnsats for borna våre, avsluttar handballleiar Jan Kristian Rokne.