Kultur | 20. nov. 2017

Får eksklusiv film til Os

Bygdekinoen på Oseana er ein av få kinoar du kan sjå «Adjø Montebello» med Karpe Diem.

Får eksklusiv film til Os
Bygdekinoen i Oseana er ein av 150 kinoar som får vise «Adjø Montebello» (pressefoto)
Andris Hamremandag 20. nov. 2017 14:13

«Adjø Montebello» er avslutninga på Karpe Diem sitt musikalske og visuelle prosjekt «Heisann Montebello». Og avslutninga er av det spektakulære slaget. Filmen «Adjø Montebello» avrundar den to år lange reisa og den blir kun vist i fire dagar på utvalde kinoar i Noreg.

– Vi er så heldige at vi er ein av kinoane som får visa filmen. Det er utruleg kjekt og gøy, strålar marknadsansvarleg Veronica Søilen Halhjem på Oseana.

Filmen blir vist på premieredagen torsdag 7. desember.

Selde 10 000 billettar

«Heisann Montebello» starta november 2015 og har gått føre seg i to år. Prosjektet har resultert i sju fantastiske låtar, sju ambisiøse musikkvideoar, ein lang turné og storslagne liveshow med tre utselde konsertar i Oslo Spektrum.

– Då billettane blei slept til filmen i Oslo, blei det seld 10 000 billettar på under eit døgn.

– Billettane til framsyninga på bygdekinoen her hos oss er også i sal no, så det er berre å komma innom resepsjonen og sikra seg plass, avsluttar Søilen Halhjem.

Ny musikk

«Adjø Montebello» er ei reise gjennom Karpe sitt innhaldsrike univers. Store musikalske opplevingar, velkjende karakterar og nye eventyr blir veva saman i ein film ulikt noko anna du har sett. Det blir også introdusert heilt ny musikk!

Premiere: 07.12.2017
Originaltittel: ADJØ MONTEBELLO
Genre: Eksperimentell
Regi: Thea Hvistendahl
Skodespelarar: Chirag Rashmikant Patel (Apen), Magdi Ytreeide Abdelmaguid (Kjeften), Andreas Rand, Rolf-Christian Lie Loberg, Jonatan Blode, Oda Felicia Bardal Sigstad Abdelmaguid.
Nasjonalitet: Norge
Språk: norsk
Lengde: 1 t. 39 min.
Begrunning: Antatt aldersgrense 12 år.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.