Kultur | 12. apr. 2012

Får «Game of Thrones»

Dei to første episodane i sesong 2 av «Game of Thrones» får noregslansering under 60° Nord. - Det kjem til å merkast, lovar PR-sjefen.

Får «Game of Thrones»
Christoffer Kobbeltvedt og filmfestivalen 60° Nord tek «Games of Thrones» frå TV-skjermen til storsalen i Oseana under festivalen (foto: Andris Hamre/HBO)
Andris Hamretorsdag 12. apr. 2012 11:59

Torsdag fortalde Midtsiden at den nye storsatsinga frå TV-selskapet HBO «Girls» får si noregslansering under filmfestivalen 60° Nord.

Dette er ikkje den einaste TV-serien frå HBO som får si lansering i Oseana torsdag 24. april.

- Vi har òg fått lanseringa av sesong 2 av suksess-serien «Game of Thrones», jublar Christoffer Kobbeltvedt i filmfestivalen.

Kjem til å overgå førre sesong

Sesong 1 har blitt vist på mellomanna Canal+ og NRK. Kvar episode i sesong éin samla eit snitt på 9,3 millionar sjåare i USA. Sesong to kjem i Noreg til å bli vist på Canal+, og truleg òg på NRK neste år.

- Sesong 2 har nett starta i USA og har samla 8,3 millionar sjåarar. Ekspertane der borte trur at andre sesongen kjem til å overgå dei fantastiske tala frå sesong éin.

- På Oseana kjem vi til å vise dei to første episodane, fortel Kobbeltvedt.

Tala frå USA syner ei auke på 74% frå første episode i sesong éin.

Jubelen sto i taket

Kobbeltvedt fortel at filmgjengen har vore spente på om dei skulle få lov til å visa «Game of Thrones» og «Girls» under filmfestivalen.

- Då vi var i Oslo tidlegare i vinter hadde vi mellomanna eit møte med Nina Engh i Canal+ (rettigheitshaverane i Noreg, journ.mrk).

- Der fortalte vi om stuntet vi gjorde med Trolljegeren og spurte om dei ville vera med på noko tilsvarande med «Game of Thrones». Nina var med med ein gong, men fortalte samstundes at det var heilt avhengig av kva HBO ville.

- Det er dei som sit på gullet og gjer akkurat kva dei vil med det. Så når meldinga kom om at dei ville satsa på oss, så kan eg lova deg at jubelen sto i taket, smiler Kobbeltvedt.

Lovar ei unik oppleving

Ramma rundt framsyninga av dei to episodane kjem til å bli spektakulære.

- Vi har ikkje kunne spikra så mykje av planane enno, fordi vi har venta på klarsignalet frå HBO.

- Men eg kan lova deg at det kjem til å prega meir enn berre festivalen og Oseana. Dei som var med oss oppe i steinbrotet kan forventa seg noko av det same som dei opplevde der, forklarar Kobbeltvedt, som samstundes understreker at det ikkje blir sirkus berre for sikruset sin del.

- Det er tross alt framsyningane som er det viktigaste. Men ein god del effektar og premiar er på veg frå USA allereie.

Gratis, men med billett

Som for framsyningane av dei tre første episodane av «Girls» har HBO krevd at også «Game of Thrones» skal vera gratis for publikum.

- Det blir det, men vi har berre dei plassane storsalen Oseana tek.

- Sidan båe seriane går torsdagen kjem vi til å leggje ut omlag 500 gratisbillettar til denne dagen.

- Korleis ein kan skaffa seg billettane kjem vi til å informera om på 60n.no.

Det nyttar altså ikkje berre å møte opp på Oseana i håp om å få sjå seriane.

Det beste som har skjedd på 10 år

Då Torfinn Borkhus i NRK sitt filmpolitiet meldte sesong éin av serien gav han terningkast 6 og skreiv følgande:

"Game of Thrones er en fantastisk serie. Den som vil beskrive Game of Thrones for en annen person, bruker gjerne Ringenes Herre som en referanse. Og det er ikke så dumt det – Ringenes Herre er en ti år gammel filmtrilogi og var det beste som hadde skjedd fantasy-sjangeren på den tiden.

Game of Thrones er det beste som har skjedd fantasysjangeren siden."

Her kan du sjå klipp frå serien.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.