Får ekstra motstand i neste veke

Førstkomande laurdag skulle Lysekloster tatt imot Øygarden i det som skulle bli vinterens tøffaste treningskamp.

No er møtet med Øygarden framskynda til fredag kveld, så Lysekloster-spelarane får kvila seg til måndag.

Då kjem nemleg A-laget til Brann på besøk.

– Dei kontakta oss for å få ein treningskamp, og det synest vi er kjekt! seier Svein Kollen.

– Det er nok takka vera resultata våre den siste tida.

Lysekloster slo laurdag Sotra 2-1 og har hatt fleire sigrar den siste tida.

Les ògLysekloster sterke mot Sotra

Brann speler som kjent i OBOS-ligaen i årets serie. Laurdag spelte dei 0-0 i treningskamp mot Stabæk i Spania.

Osingen Vegard Leikvoll Moberg spelte frå start og rundt 70 minutt, sambygding Ole Martin Lekven Kolskogen kom innpå i rundt 70. minutt.

Både kampen mot Øygarden og Brann går på Lysekloster sin heimebane. Kampen mot Brann går måndag frå klokka 18.

Sist laga møttest var i NM i 2017. Då var Lysekloster nær på å ta leiinga, men tapte til slutt 0-2.

Her er nokre bilde frå 2017:

Bildeserie:

1 av 7