Lokal | 19. jan. 2015

Fargerik fisk i fjorden

John Lepsøy har aldri sett maken til fisken han fekk då han drog garn måndag formiddag.

John Lepsøy viser fram den fargerike og uvanlege fisken (foto: Andris Hamre)
Andris Hamremandag 19. jan. 2015 14:48

Den ivrige hobbyfiskaren John Lepsøy var ikkje sein om å koma seg i robåten ut på fjorden igjen for å setja garn etter at vinden, som har herja dei siste par vekene, roa seg søndag ettermiddag.

Då han trekte sildagarnet måndag formiddag fekk han seg ei overrasking.

– Eg har aldri sett maken, fortel den spreke 81-åringen, og viser fram den breie, fargesprakande fangsten.

Fløyfisk-hann

Saman med rødspette og ein liten torsk kom den litt uvanlege arten opp til overflata.

Ifølgje fiskeslag.com er det truleg ein hannfisk av arten vanleg fløyfisk (Callionymus lyra) som hadde forvilla seg inn i garnet til John Lepsøy.

Berre tre artar frå fløyfiskfamilien finst i våre farvatn, ifølgje nettstaden.

Vanleg fløyfisk har kjenneteikn som det breie og flattrykte hovudet som endar i ein ganske liten munn. Resten av kroppen er smal, men blir dominert av dei lange finnene. På hannfisken stikk den fremste stråla på ryggfinna opp som ei antenne, nesten like lang som resten av kroppen. Det er òg hannen som har fått dei vakre fargane som dekkjer nesten heile fisken.

Les òg:
Eksotisk fangst ved Strøno (multe)
Fekk månefisk i garnet
Troll i trollgarnet (St Petersfisk)

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.