Fastkøyrd buss fekk assistanse av UTV

I haust var det to bussar frå Skyss som køyrde seg fast i forsøk på å ta «gamlevegen» til Drange, i februar fekk ein vogntogsjåfør 5.500 kroner i bot etter å ha prøvd å køyra Ole Bulls veg over Søvikåsen.

Torsdag formiddag trassa ein turbuss dei same skilta, som seier maks 3 tonn akseltrykk og maks 8 meter.

– Eg skulle ikkje møta på skulen før 11.45 i går, men kom likevel for seint. Då eg kom på toppen av Søvikåsen, før svingane ned mot Ulven, sto ein buss fast og måtte rygga, fortel Daniel Drange.

Han køyrer UTV, og sette på varsellys for å eskortera bussen baklengs ned igjen. Det tok 40 minutt.

Motorstopp og dirigering

Klokka 22.05 torsdag kveld fekk politiet melding om stopp i trafikken på E39.

– Ein bil hadde fått problem rett etter ein bakketopp i 70-sona mellom UnoX og Storestraumen. Vi rykte ut og dirigerte fram til bergingsbil kom.

I løpet av torsdag blei ei lastebil stoppa nord for Os sentrum. Bilen hadde skilt i glaset og fekk pålegg om å montera kjenneteiknet der det skal vera.

Kalvar funne igjen

Torsdag i 6-tida fekk politiet melding om kalvar som var sakna frå beite på Halhjem.

– Desse blei funnen igjen på eit jorde klokka 08.30 i dag, fortel Lyssand.