Kultur | 15. okt. 2012

Fekk 16 timar i studio

VIDEO: Second Circuit frå Samnanger vann Battle of the Bjørnefjord. I helga henta dei premie nummer to. – Dette var perfekt for oss, seier vokalist Magnus Magnussen.

Kjetil Vasby Bruarøy
Kjetil Vasby Bruarøymandag 15. okt. 2012 09:51

Då Oseana og kultureininga i Os kommune inviterte nabokommunane til bandkonkurranse fekk dei svar, Second Circuit skilte seg ut allereie på lydprøven og tok sigeren med seg heim.

Les òg: Siger til Second Circuit

Men premiane måtte dei tilbake til Os for å få, oppvarming for Anja Elena i Oseana for ei dryg veke sidan og ei helg i studio, som dei "henta" denne helga.

SJÅ VIDEO NEDST I ARTIKKELEN

– Dette var heilt perfekt for oss! Vi har vore i studio éin gong før, i kjellaren hos mannen til lærarinna mi, ler trommis Vegard Lemme.

Der fekk bandet spelt inn éi låt. I helga spelte dei inn to låter, grundig, med Paul Inge Vikingstad frå ORBO som "diktator" i 8 timar laurdag og 8 timar søndag.

– Paul Inge var veldig engasjert og gav oss mykje hjelp. Han kom med tilbakemeldingar kontinuerleg, så det blei ei veldig lærerik helg, synes rockarane frå Samnanger.

Starta i 2011

Second Circuit består av Magnus Magnussen (vokal, gitar), Håvard Loe (bass) og Vegard Lemme (trommer). Dei tre går i 9. og 10. klasse ved Samnanger ungdomsskule.

– Vi starta bandet for halvtanna år sidan og spelte litt coverlåtar i starten, TNT, AC/DC og liknande.

– Men vi fekk raskt nok låtar til å spela eiga materiale og har vore på scenen under ulike lokale arrangement i Samnanger før vi tok turen til Os.

Second Circuit har no 10-12 eigne låtar og med tre innspelte spor er det no duka for debut-EP.

– Til inspirasjon

Vikingstad er imponert over dei unge musikarane frå nabybygda.

– Viss ikkje eg hadde sett kor gode dei er og kva potensiale dei har så hadde eg ikkje vore så pirkete. Men desse gutane har mykje å koma med, så eg pusha dei ganske mykje gjennom heile helga, seier ORBO-bassisten.

– Vi er god på rock i Os, og har med rockeklubben, musikkbingane, studioet og den store lokale festilvalen Rock N LOL gode forhold for unge musikarar.

– Derfor var det ein liten tankevekkar å få besøk av Second Circuit og band frå andre nabokommunar, som har kome så langt som dette, seier Kjetil Osablod Grønvigh.

– Dette er svoltne karar som jobbar hardt for musikken, ungdomar vi er glade for at vi har fått oppleva og som eg håper gjev inspirasjon til banda vi har i Os. Eg synes dessutan vi bør sjå på korleis vi i framtida kan samarbeida betre med musikarar frå nabobygdene, seier Grønvigh, som også jobbar i kultureininga i Os kommune.

VIDEO: Sjå Second Circuit i studio søndag kveld. (Foto: Kjetil Vasby Bruarøy)

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.