Fekk 4. plass i NM

Marius Tømmernes Klakegg (14) frå Søfteland var ein av dei fem frå Hordaland på kretslaget Vestlandet stilte med i kretslag-NM for U15 i Hamar i helga.

Les òg: Marius klar for NM i ishockey

Klakegg og resten av vestlandslaget landa på 4. plass.

– Vi vann 2 av 5 kampar, seier ishockeytalentet frå Os.

Heldt nullen

Buskerud, Telemark og Vestforld stilte samla lag og blei slått 5-4 av Vestlandet.

Også mot Hedmark blei det siger.

– Vi slo Hedmark 4-2. I den kampen heldt eg nullen i omgangen eg spelte, fortel keeperen.

– Men det var også veldig kjekt å sjå at vi klarte å halda oss med i kampen ganske lenge mot laga frå Austlandet.

– Vi leia over Østfold, 1-0 og 2-1, og 2-0 over Oslo, før dei overtok og drog ifrå.

Snart sesongslutt

No ventar to-tre kampar i serien før sesongen er over.

Der ligg BIK an til å hamna på 2. plass etter tap medan delar av laget var på kretssamling tidlegare i vinter.