Fekk åtvaring etter nestenulykke

I 21-tida tysdag fekk politiet melding om høg fart og køyring på feil side av vegen i Hegglandsdalen.

– Det skal ha ført til ei nesteulykke, seier politioverbetjent Atle Birkeland.

Patruljen fekk stoppa bilen noko seinare.

– Bilførar innrømte at han kanskje hadde køyrd litt fort, men forklarte køyringa i motsett felt med at han måtte svinga unna nokre humpar i vegen.

Bilførar, ein 18-åring frå Os, fekk ei muntleg åtvaring og ei oppmoding om å køyra meir varsamt.

I 03-tida i natt fekk politiet klage på støy frå ei adresse i Nordmarka.

Det var roleg på staden då politiet kom fram, og det kom heller ikkje fleire klagar i løpet av natta.