Kultur | 07. nov. 2019

Fekk augene opp for fleire yrkesretningar

– Ein god plass å bli litt klokare, meiner elevane frå Nore Neset.

Fekk augene opp for fleire yrkesretningar
Henriette fortalte Eskil, Magnus og Fabian om anleggsgartnaryrket. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 07. nov. 2019 13:52

Bildeserie:

Lærlingen Bård er positivt overraska over eige yrke. (Foto: KVB)
Lærlingen Bård er positivt overraska over eige yrke. (Foto: KVB)
Prosjekleiar frå Os Lions, Thorleif Eikeland. (Foto: KVB)
Prosjekleiar frå Os Lions, Thorleif Eikeland. (Foto: KVB)
Ein «merkedag» for elevane. (Foto: KVB)
Ein «merkedag» for elevane. (Foto: KVB)
Erik O. Lunde skapte ein frisk diskusjon på Bjoarvik sin stand. (Foto: KVB)
Erik O. Lunde skapte ein frisk diskusjon på Bjoarvik sin stand. (Foto: KVB)
Camilla og Rineta besøkte nyleg Moldova. (Foto: KVB)
Camilla og Rineta besøkte nyleg Moldova. (Foto: KVB)
1 av 5
Lærlingen Bård er positivt overraska over eige yrke. (Foto: KVB)
Prosjekleiar frå Os Lions, Thorleif Eikeland. (Foto: KVB)
Ein «merkedag» for elevane. (Foto: KVB)
Erik O. Lunde skapte ein frisk diskusjon på Bjoarvik sin stand. (Foto: KVB)
Camilla og Rineta besøkte nyleg Moldova. (Foto: KVB)

Onsdag og torsdag har årets utgåve av Bjørnefjorden Utdanningsmesse gått av stabelen, for 7. året på rad.

Elevar frå 10 skular besøker messa. Ved sidan av dei to ungdomsskulane i Os, har elevar frå blant anna Fusa, Tysnes, Bergen, Samnanger og Kvinnherad vore innom Nore Neset Aktivitetshus i løpet av desse to dagane.

Der har dei fått boltra seg blant rundt 50 utstillarar.

– Nokre utstillarar er med år etter år, men det er alltid nokre som står over og nye som kjem inn, seier prosjektansvarleg Thorleif Eikeland.

Blant årets utstillarar er 20 vidaregåande skular, 14 bedrifter, 6 opplæringskontor, 3 organisasjonar, 3 offentlege etatar og éin høgskule.

Vegen til førarkortet - og til føraropplæringyrket

På Bjoarvik Trafikkskole sin stand står ein lett MC utstilt. Gjestane på messa er midt i bedrifta si målgruppe.

– Mange kjem med spørsmål om køyreopplæring, men vi har òg dei elevane som lurer på sjølve yrket, seier Anette Haga.

Sjølv tok ho allmenn studiekompetanse og to år på høgskule for å læra ungdom å køyra bil.

– Det var litt tilfeldig at dette blei min yrkesretning. Eg har vore i yrket i ti år no, og eg angrar ikkje. Pedagogikk er interessant, og det å jobba med ungdom i denne alderen er veldig kjekt.

Ekstra underhaldande blei det i dag, då den pratsame ungdomen Erik Oltedal Lunde var innom. Han var meirinteressert i å diskutera påkøyrsle av dyr enn resten av trafikkbildet.

Eit «nytt» handverkarfag

Hos Os Hageservice var spørsmåla mange.

– Anleggsgartnar er gjerne eit smalt fagfelt, men arbeidsområdet er breitt, frå hage og trefelling til mur og design, seier Henriette Færevaag.

Med seg på stand har ho lærlingen Bård.

– Yrket var betre enn eg hadde venta. Det er variert, eg har fått ein del ansvar og eg synest det er fint å sjå resultatet etter at vi har vore på oppdrag.

Tre elevar som var innom, Eskil, Magnus og Fabian frå 10. trinn ved Nore Neset, er nøgd med messa og fatta interesse for anleggsgartnarfaget.

– Eg veit ikkje om det blir båt eller handverkaryrke på land, men eg vil bruka kroppen, ikkje sitja på kontor, seier Eskil.

Viste veldedig arbeid

I januar skreiv vi om skuleklassen ved Os vgs som skulle på klassetur til Moldova, men brukte pengane som skulle gå til flybillett direkte til Hjelp Moldova-organisasjonen.

– Vi trekte likevel ut tre elevar som fekk reisa, og tok turen veka før haustferien, fortel Camilla Søfteland og Rineta Pakalniskyrte.

Camilla og Rineta reiste saman med klassevenninna Mathilde Oen, ein lærar og rektor.

– Vi var førebudd på å sjå fattigdom. Det var mindre fattigdom enn eg trudde, men det gjorde inntrykk å sjå det på nært hald, og å sjå kor dårleg tilstanden på sjukehuset var.

– Det gjorde naturlegvis òg inntrykk å møta pasientane, og å sjå kor glade dei blei då dei fekk ull, teiknesaker og andre ting vi hadde med frå Noreg.

I neste veke skal dei ha framføring for klassen, 29. november er årets Moldova-aksjon.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.