Fekk båre til 50.000 kroner

Rullande gåve for lettare redning.

President i Lions Os, Harald Grotle (t.v.) og leiar i Os Røde Kors hjelpekorps, Atle Vågstøl, med den nye båra. (Foto: KVB)
Kjetil Vasby Bruarøy
Kjetil Vasby Bruarøyonsdag 09. nov. 2016 12:47

Bildeserie:

Med prislapp på 50.000 kroner er hjelpekorpset overvelda over gåva. (Foto: KVB)
Båra kan delast i fire for enkel transport til skadestad. (Foto: KVB)
Med brems. (Foto: KVB)
Med prislapp på 50.000 kroner er hjelpekorpset overvelda over gåva. (Foto: KVB)
Båra kan delast i fire for enkel transport til skadestad. (Foto: KVB)
1 av 3
Båra kan delast i fire for enkel transport til skadestad. (Foto: KVB)
Med brems. (Foto: KVB)
Med prislapp på 50.000 kroner er hjelpekorpset overvelda over gåva. (Foto: KVB)

Under utdanningsmessa på Nore Neset, som starta i dag, gav arrangør Os Lions ei båre i gåve til Os Røde Kors hjelpekorps.

– Vi er overvelda! Dei vi har frå før er 50 år gamle armébårer, med unntak av ei samanleggbar, men også denne krev fire mann, seier Atle Vågstøl, leiar i hjelpekorpset.

Båra har avtagbart hjul og brems, og den kan delast i fire for enkel transport til ulykkesstaden.

– Desse bårene er bygd for alpin redning. Om ikkje vi har så mykje snø i Os, har vi likevel alpint terreng. Denne eignar seg godt til blant anna redning av personar som er skadd på fjelltur.

Ofte er det luftambulanse som hentar skadde folk i fjellet, men om vêr, terreng eller vegetasjon gjer det vanskeleg, er det folk på bakken som må til.

Deler ut 200.000 kroner i året

Harald Grotle, president i Os Lions, seier Lions har eit tydeleg økonomisk skilje mellom drift og aktivitet.

– Aktivitetar, som denne messa, tulipansal og tidlegare loppemarknadar, går i éin kasse. Drift i ein annan.

25 % av det som blir delt ut til allmennyttige formål går lokalt, 25 % er nasjonalt og 50 % går til internasjonal innsats.

– I fjor delte vi ut oppunder 200.000 kroner i Os, vi kjem nok til å landa på nokolunde det same i år.

– Vi er glade for å kunna hjelpa og, i denne samanhengen, skapa betre tryggleik for dei som bur i Os, seier Grotle.

Lions Club International er verdas største humanitære organisasjon. Lions fyller 100 år i år.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.