Sport | 13. juli 2012
Fekk det tøft i Barcelona
Kappgjengar Joakim Sælen klarte ikkje målsetnaden om å koma på topp 30 i VM.
Kjetil Vasby Bruarøyfredag 13. juli 2012 12:47
Osingen Joakim Sælen er blant dei norske deltakarane i junior-VM i friidrett, som går av stabelen i den spanske kystbyen Barcelona.
I dag gjekk Sælen 10 km med målsetnad om å bli blant dei 30 første. Det klarte han ikkje.
- Planen var å gå så jamt eg kunne, men eg merka fort varmen. Det gjekk fint den første kilometeren, men eg er ikkje trent for å halda ein fart på fire blank på kilometeren, seier Joakim til forbundet sine heimesider.
Kolombianeren Eider Arévalo vann på 40.09.74 medan Joakim kom på 36. og sisteplass med tida 48.50.80, rundt 2 minutt bak eigen pers.